Á mánudaginn verðum við hjá Fjörukránni og hrellum túrista. Þeir koma á staðinn um kl. 19.30 og þurfum við að vera með allt klárt og tilbúið eigi síðar en þá. Best væri að við kæmum með tjöldin og settum saman á sunnudagskvöldið. Eins og sjá má á afriti af tölvupósti frá Jóhannesi hérna fyrir neðan er þetta minni víkingahátíð þannig að við þurfum alla. Bardagamenn og handverksmenn. Hverjir eru klárir í þetta?
„Við verðum með ein 8 víkingatjöld á víð og dreif í portinu milli Fjörukrárinnar og hótels og veðurguðirnir verða okkur hliðhollir.
Víkingar verða þar við vinnu og selja ýmsan varning og sýna um leið.
Bardagavíkingar verða á svæðinu og taka á móti gestum og taka fullan þátt í ráninu. ca 30 víkingar jafnvel fleiri.“
Uppákoma við Fjörukránna
Námskeið í sútun
Námskeið í sútun
Sútunarnámskeið fer fram á Akranesi dagana 26. 27. og 29. maí nk. Kennt verður að súta roð en það er sama aðferð og að súta skinn, tekur bara styttri tíma. Kennslan fer fram í Byggðarsafninu á Akranesi og kostar kr. 17.000.-
Þeir sem hafa áhuga á að fara á námskeiðið geta skráð sig hjá Guðmundi Hringhorna í síma 869 4748
Eldsmiða hittingur
Eldsmiða hittingur
Dagana 1. 2. og 3. júní ætla eldsmiðir landsins að hittast upp á Skaga við Byggðarsafnið. Hittingurinn er fyrir þá sem eru að smíða, það kostar ekkert en æskilegt að hver eldsmiður taki með sér sín verkfæri og smiðju. Ekki þarf að skrá sig bara mæta.
Jurtalitun
Námskeið í jurtalitun
Námskeið í jurtalitun fer fram laugardaginn 19. maí kl. 13 – 17 í hátíðarsal félagsins í Dverg. Námskeiðsgjald er ekkert og er áhugasömum jurtaliturum bent á að mæta tímanlega.
Sumarið 2012
Víkingaviðburðir sumarið 2012
Upphitun á Kambi 8. - 10. júní
Víkingahátíð 14. - 17. júní
Brákardagur 23. júní
Írskir dagar 6. - 8. júlí
Gásar 20.-22. júlí
Trelleborg 14. - 22. júlí
Moesgård 23. - 29. Júlí
Síða 1 af 7
Verslun með víkingamuni.